ओबीसी समाजाच्या मोठ्या जनआंदोलनाची दिशा ठरविण्यासाठी आज पुण्यात तातडीची बैठक

पुणे : ओबीसी समाजाच्या विविध प्रश्नांवर पुढील आंदोलनाची दिशा ठरविण्यासाठी आज, शुक्रवार दि. १४ ऑगस्ट २०२६ रोजी पुण्यात तातडीची बैठक आयोजित करण्यात आली आहे. या बैठकीत आगामी काळात मोठ्या जनआंदोलनाची दिशा आणि स्वरूप निश्चित करण्यात येणार आहे.

ही बैठक दुपारी २ वाजता पत्रकार भवन, नवी पेठ, पुणे येथे होणार आहे. ओबीसी समाजाच्या न्याय्य हक्कांसाठी पुढील आंदोलनाची रणनीती, संघटनात्मक नियोजन आणि जनआंदोलनाची रूपरेषा याबाबत बैठकीत चर्चा होण्याची शक्यता आहे.

ओबीसी समाजातील नागरिक, कार्यकर्ते, पदाधिकारी आणि समर्थकांनी मोठ्या संख्येने उपस्थित राहून या बैठकीत सहभागी व्हावे, असे आवाहन करण्यात आले आहे.

या तातडीच्या बैठकीसाठी ॲड. मंगेश ससाणे, लक्ष्मण हाके, नवनाथ वाघमारे आणि मृणाल ढोले-पाटील यांनी पुढाकार घेतला आहे.